Ka shkuar në njëzet e pesë numri i trupave të pajetë që janë gjetur pasi një anije u shkatërrua nga zjarri në brigjet e Kalifornisë. Sipas rojës bregdetare të SHBA-ve, nëntë persona vazhdojnë të jenë të zhdukur, ndërsa pesë anëtarë të ekuipazhit kanë mbijetuar.
Zjarri filloi në orët e para të së hënës, ndërsa varka u ankorua pak metra larg ishullit Santa Cruz, rreth 145 km në perëndim të Los Angeles.
Çfarë ndodhi në anije?
Shërbimet e Rojës Bregdetare pranuan një telefonatë rreth 03:30 me kohën lokale duke thënë se varka ishte përfshirë në flakë. Raportet treguan se disa pasagjerë mund të ishin bllokuar nën kuvertë.
Kapiteni i anijes tha se varka ishte “plotësisht në përputhje” me rregulloret e sigurisë dhe nuk kishte asnjë shkelje paraprake.
Fillimisht, raportet flisnin për 8 të pajetë nga incidenti, ndërsa ekziston frika se numri i viktimave mund të rritet nëse të zhdukurit nuk kanë mbijetuar.