Policia Kufitare në bashkëpunim me forcat e misionit Frontex dhe Drejtorinë Vendore të Policisë Korçë, finalizojnë operacionin e koduar “Vishotica”, nga ku kanë goditur një rast të kalimit të paligjshëm të kufirit, kundrejt fitimit.
Si rrjedhojë e operacionit u arrestuan në flagrancë 4 persona. Personat e arrestuar janë: O.Z., 30 vjeç; F.S., 39 vjeç, të dy banues në Tiranë dhe I.T., 47 vjeç, e E.R., 49 vjeç, nga qyteti i Korçës.
Arrestimi i tyre u bë pasi, këta shtetas jane kapur nga strukturat e lartpërmendura, në rrugën Trestenik-Vishoticë, duke transportuar me mjetet tip “Volksëagen Touareg” dhe “Mercedes-Benz”, disa shtetas të huaj, të cilëve iu kishin premtuar kalimin dhe transportimin e tyre drejt vendeve të BE-së, kundrejt fitimit prej 200 euro secilit.
Nga ana e Policisë, po punohet për të vendosur përpara përgjegjësisë ligjore edhe persona të tjerë, të dyshuar si të implikuar në këtë ngjarje.
