Ministria e Shëndetësisë konfirmoi sot tre raste të reja me të infektuar në Elbasan.
Mësohet se rastet e sotme pozitive janë në radhët e bluzave të bardha.
Të infektuar janë konkretisht dy infermiere dhe një mjek.
Infermieret janë te maternitetit, ndërsa mjeku është i një qendre shëndetësore në Elbasan.
Ndërkaq, në spitalin e Elbasanit është mbyllur reparti i Gjinekologjisë.
Lajmin e konfirmoi mjeku pediatër Kujtim Ibrahimi, i cili po ashtu është infektuar bashkë me bashkëshorten dhe janë karantinuar në shtëpi.
Nga ana tjetër, ministria e Shëndetësisë konfirmoi sot 90 raste të reja dhe dy humbje jete në spitalin Infektiv.