Autori i krimit është neutralizuar – 20 persona raportohen të plagosur – Sot ishte një ditë shërbese kishtare për të gjithë nxënësit e shkollës – Postimi i Trump mbi incidentin e përgjakshëm
Të paktën tre persona u vranë dhe 20 të tjerë u plagosën në një të shtënë me armë në Kishën e Shpalljes dhe një shkollë katolike ngjitur në Minneapolis, Minesota.
Personi i armatosur, sipas policisë, u neutralizua. Transmetuesi lokal Fox 9 raportoi se ai vdiq.
Incidenti i përgjakshëm ndodhi rreth orës 8:30 të mëngjesit të së mërkurës (ora lokale, ora 4:30 pasdite GMT), kur policia u thirr pas raportimeve për të shtëna në kishë dhe shkollën katolike për fëmijë nga parashkollorja deri në rreth 13-14 vjeç.
Sot ishte një ditë shërbesash fetare në kishë për të gjithë nxënësit e shkollës.
Dëshmitarët përshkruan një burrë të veshur me të zeza me një pushkë në dorë.
Një banor vendas, siç raportohet nga Sky News, përshkroi se dëgjoi 30 deri në 50 të shtëna me armë në një hapësirë prej pak minutash. Ai tha se të shtënat ishin sporadike dhe nuk dukeshin se vinin nga një armë, “kështu që ai duhet të ketë mbushur disa herë”.
Motivi i të shtënave është i panjohur.
Guvernatori i Minesotës, Tim Walz, tha në një postim në Twitter se incidenti ndodhi në shkollë.
Forca të shumta policie dhe ekipe shpëtimi kanë mbërritur menjëherë në vendngjarje.
Incidenti i së mërkurës erdhi pas tre të shtënave fatale në 12 orë, duke vrarë tre persona dhe plagosur tetë të tjerë.
Donald Trump deklaroi në një postim se ishte “plotësisht i informuar” për sulmin e armatosur. Ai shtoi se FBI-ja “reagoi shpejt” dhe është tashmë në vendngjarje.