Një gjykatë pakistaneze dënoi ish-kryeministrin Imran Khan me tre vjet burg për shitje të paligjshme të dhuratave të qeverisë, raportuan mediat lokale të shtunën.
“Gjyqtari Humayun Dilaëar njoftoi se përfshirja në korrupsion është provuar”, njoftoi televizioni shtetëror i Pakistanit.
Khan nuk ishte në gjykatë për seancën dëgjimore, por agjencia e lajmeve Reuters raportoi se avokati i tij tha se ish-kryeministri ishte arrestuar në Lahore.
“Policia pakistaneze ka arrestuar ish-kryeministrin Imran Khan në rezidencën e tij në qytetin lindor të Lahore”, tha avokati i tij Intazar Hussain Panjutha me telefon për Reuters të shtunën.
Ekspertët ligjorë thonë se një vendim fajësie në këtë rast mund të dëmtojë shanset e Khan për të kandiduar në zgjedhjet kombëtare që duhet të mbahen përpara fillimit të nëntorit.
Ekipi i Khan tha se do të apelonte vendimin e gjykatës.
Në mes të marsit, një gjykatë në Islamabad duhej të anulonte një seancë lidhur me pretendimet se ish-kryeministri pakistanez Imran Khan shiti dhurata shtetërore, pas përleshjeve midis mbështetësve të tij dhe policisë.
Anulimi erdhi pasi Khan hyri zyrtarisht në gjykatë. Automjeti i Khan mbërriti në portën e gjykatës mes përleshjeve midis mbështetësve të partisë së Khan, Tehreek-e-Insaf (PTI) në Pakistan dhe policisë.
“Imran Khan ishte jashtë gjykatës me automjetin e tij, duke u përpjekur të hynte në gjykatë. Megjithatë, policia u përpoq të bënte të pamundurën për ta penguar atë të hynte në gjykatë dhe përdori forcë brutale kundër ndjekësve të tij”, tha Faisal Fareed Chaudhry, një anëtar i ekipit ligjor të Khan.
Khan mohoi se ai e kishte kryer krimin dhe theksoi se ishte i motivuar politikisht, por shtoi se ai do të shkojë në gjykatë sepse beson në sundimin e ligjit.
Qeveria pakistaneze ka thënë se akuzat kundër tij nuk kanë asnjë lidhje me politikën.
Rasti i Khan i ngjan rastit të atij të Muhamed Morsi në Egjipt, i cili u godit duke u eliminuar si një model erdoganist i mundshëm në krye të Egjiptit.
Ngjashëm dhe me Imran Khan, një lider politik fetar, me prirje të forta reformatore.
