Në përvjetorin e tretë të grusht-shtetit të dështuar në Turqi, presidenti Erdogan mbajti një fjalim gjatë një tubimi përkujtimor në Stamboll, duke thënë se vendi kurrë nuk do të mund të pushtohet nga ata që siç tha, “ia shitën shpirtrat e tyre djallit”.
“Askujt që tentoi të kryejë grusht shteti nuk i ngeli përfitim dhe, me lejen e Zotit, as në të ardhmen nuk do t’u ngelet”, tha Erdogan, duke shtuar se “natën e 15 Korrikut, deshën ta varrosin Turqinë në errësirë, por dështuan. Allahu shkatërroi kurthet e tyre”.
Me aktivitete të ndryshme, Turqia e shënon këtë ditë si “Dita e Demokracisë dhe Unitetit Kombëtar”, raporton AA.