Një tjetër ngjarje e rëndë është shënuar mesditën e kësaj të mërkure në Kamëz. 31-vjeçarja Etleva Kurti është ekzekutuar me armë zjarri në oborrin e banesës së saj. Ekzekutimi i të resë raportohet se ka ndodhur në rrugën “Besëlidhja”, në Kamëz.
Ende nuk dihen rrethanat e ngjarjes së rëndë. Policia po heton për zbardhjen e ngjarjes.
Njoftimi i policisë:
Në Kamzë, në rrugën “Besëlidhja”, në rrethana ende të paqarta, në oborrin e banesës, është vrarë me armë zjarri shtetasja Etleva Kurti, 31 vjeçe.
Shërbimet e Policisë kanë shkuar menjëherë në vendngjarje dhe është ngritur një grup i posaçëm hetimor që po punon për identifikimin e autorit/ëve të dyshuar.
Informacion me të detajuar do të japim në vijim.
