Sekretarja amerikane e Sigurisë Kombëtare Kirsten Nielsen, e cila zbatoi disa nga politikat kontradiktore të kufirit të Presidentit Donald Trump, ka njoftuar dorëheqjen.
Zonja Nielsen e quajti “një nder të jetës” kohën sa ka punuar si Sekretare.
Presidenti Trump njoftoi se ajo do të zëvendësohet përkohësisht nga Komisioneri i Doganave dhe Mbrojtjes së Kufijve, Kevin McAleenan.
Zonja Nielsen ishte përgjegjëse për zbatimin e murit kufitar të propozuar dhe ndarjen e familjeve migrante.
Ajo nuk dha asnjë arsye për largim në letrën e saj të dorëheqjes, megjithëse ajo tha se kjo ishte “koha e duhur për t’u tërhequr” dhe tha se SHBA është më e sigurtë tani sesa kur e kishte marrë detyrën.
Njoftimi i saj saj vjen disa ditë pasi presidenti vizitoi kufirin jugor.
Trump kohët e fundit ka kërcënuar se do të mbyllë kalimin, por më pas premtoi t’i japë Meksikës një vit afat për të ndaluar drogën dhe emigrantët që kalojnë në SHBA.