Presidenti Trump ka rezultuar negativ për COVID-19 për disa ditë me radhë dhe nuk mund të transmetojë infeksionin e koronavirusit tek të tjerët, tha një mjek i Shtëpisë së Bardhë.
Në të njëjtën kohë, Trump u kthye në fushatën zgjedhore me një tubim në Florida, i pari që kur u njoftua se ai ishte infektuar me virusin koronar.
Ai u shfaq jashtë duke mos mbajtur një maskë mbrojtëse dhe duke lavdëruar lëvizjet e tij në luftën kundër pandemisë COVID.
Duke arritur në një tubim të mbajtur në aeroportin e Sanfordit, Trump hoqi maskën dhe përsëriti se ishte shëruar nga COVID-19, raporton Reuters.
“Unë e kam kaluar atë. Ata thonë se jam imun. Ndihem i fuqishëm”, u tha Trump mijëra mbështetësve, të cilët qëndruan krah për krah, kryesisht pa maska mbrojtëse.
“Unë do t’ju dhuroj të gjithëve një puthje të madhe”, tha Trump.
Tubimi i parë i planifikuar për këtë javë tregoi se Trump nuk e ka ndryshuar qasjen e tij ndaj fushatës që kur u kontraktua me virusin.
“Nëse dëshiron të shkosh atje, shko”, i tha ai turmës.
Testi i Biden për COVID-19 ishte gjithashtu negativ, u njoftua nga selia e tij zgjedhore.
Kritikët akuzojnë Trumpin se nuk i inkurajon ata që janë mbledhur në ngjarjet e fushatës, apo edhe stafin e Shtëpisë së Bardhë, të mbajnë maska mbrojtëse dhe t’i përmbahen distancave sociale.
Të paktën 11 bashkëpunëtorë të afërt të Trump janë infektuar gjithashtu.