Pas takimit me Presidentin e Serbisë, Aleksandër Vuçiç, kryeministri Edi Rama ka reaguar në rrjetet sociale.
Rama shkruan se rajoni duhet të hyjë në një marrëdhënie të re me BE-në, ndërsa konflikti në veri duhet të zgjidhet krah për krah me botën demokratike, duke u dhënë fund kërcënimeve dhe duke finalizuar marrëveshjen e normalizimit dhe njohjes së ndërsjellë mes Kosovës e Serbisë.
“Rajoni duhet të hyjë në një marrëdhënie të re me BE-në, ndërkohë që konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë”, shkruan Rama.
