Protesta të shumta kanë përfshirë Tunizinë duke sjellë si pasojë edhe një të vdekur gjatë ditëve të fundit. Përleshjet shpërthyen të hënën midis policisë dhe protestuesve në disa qytete tuniziane.
Vendi është në nisjen e një proteste sociale të provokuar nga hyrja në fuqi e taksave të reja dhe një sërë rritjesh çmimesh.
Disa shpërthime u shënuan të hënën në qytetet tuniziane. Demonstruesit denoncojnë papunësinë, inflacionin dhe futjen e taksave të reja.
Të ballafaquar me rënien e turizmit dhe investimeve të huaja, qeveria tuniziane thotë se nuk ka zgjidhje tjetër për të balancuar financat publike.
Në Téboura, i vendosur rreth dyzet kilometra larg Tunizit, një person u vra në një tubimi, njofton agjencia publike e shtypit TAP, e cila gjithashtu përmend pesë të plagosurit në spital.
Në qendër të vendit, policia përdori gaz lotsjellës për të shpërndarë disa qindra protestues, të cilët i vunë zjarr gomave dhe hodhën gurë në forcat e sigurisë në Thala.
Përleshjet janë raportuar gjithashtu në Kasserine, një qytet tjetër i varfër në qendër të vendit. Pas Tunisit të dielën në mbrëmje, një tubim u mbajt edhe në Sidi Bouzid, djepi i lëvizjes së “Pranverës Arabe” në fillim të vitit 2011.
