Të paktën 52 persona kanë humbur jetën në disa qytete të Turqisë nën dyshimin e helmimit nga metil alkooli që nga 9 tetori.
Rastet kanë ndodhur në qytetet e Stambollit, İzmir, Mersin, Aydın, Muğla, Kırıkkale, Trabzon, Tekirdağ dhe Zonguldak.
Ndërkohë operacionet e forcave të sigurisë ndaj prodhimit dhe shitjes së alkoolit të falsifikuar vazhdojnë.
Sipas informacioneve të përpiluara nga AA me vdekjen edhe të tre personave nga qytetet Izmir dhe Tekirdağ, numri i të vdekurve që nga 9 tetori në mbarë vendin është rritur në 52.
Në operacionet e kryera ndaj prodhimit dhe shitjes së alkoolit të falsifikuar deri më tani janë arrestuar 272 të dyshuar, për 71 është caktuar masa e paraburgimit.
