Nëse të gjitha fazat janë përfunduar me sukses, Turqia do të ketë 50 milion doza të vaksinës inovative të koronavirusit, tha ministri i Industrisë dhe Teknologjisë i vendit Mustafa Varank.

Faza e parë e testimit të vaksinës tek njerëzit filloi të shtunën, u tha Varank gazetarëve.

Duke theksuar se procesi i zhvillimit të vaksinës nuk është i lehtë, ministri tha se faza e parë mund të përfundojë në dy muaj më shpejt.

“Nëse të gjitha fazat janë përfunduar me sukses, ne do të kemi një kandidat për vaksinën në fund të vitit, me një kapacitet prej 50 milion dozash,” tha Varank.

Ministri gjithashtu deklaroi se disa vende duan të punojnë me Turqinë në zhvillimin e vaksinës.

“Disa vende janë gati të kryejnë fazën e tretë të testit me Turqinë. Nëse vendosim për një mënyrë të tillë të punës, procesi do të shkurtohet dhe reputacioni i vaksinës do të rritet, sepse do të bëhet fjalë për punë ndërkombëtare”, shtoi Varank.

Kandidati për vaksinën e koronavirusit, i cili u zhvillua bashkërisht nga Mayda Gursel i Universitetit Teknik të Lindjes së Mesme të Turqisë dhe Ihsan Gursel nga Universiteti Bilkent, bazohet në parimin e imitimit të një forme jo-infektive të virusit. Kjo vaksinë do të merret nga goja.