Turqia ka informuar NATO-n se ratifikimi i hyrjes së Suedisë në aleancë nuk do të përfundojë në kohë për të lejuar që ceremonia e pranimit të vendit të zhvillohet gjatë takimit të ministrave të jashtëm të aleancës javën e ardhshme.
Javën e kaluar, komiteti i punëve të jashtme i parlamentit turk vonoi një votim mbi kërkesën e Suedisë për t’u bashkuar me NATO-n në mënyrë që të zhvillonte bisedime të mëtejshme mbi këtë çështje.
Komiteti ka të ngjarë të rifillojë diskutimet e tij mbi këtë çështje të martën ose të mërkurën, shkruajnë mediat ndërkombëtare. Ministrat e jashtëm të NATO-s do të takohen në 28 dhe 29 nëntor.
