Turqia sot reagoi ndaj vizitës së Sekretarit të Shtetit të SHBA-së, Mike Pompeo, në një vendbanim kolon izraelit në Bregun Perëndimor të pushtuar.

“Pas kësaj vizite qëndron qëllimi i legjitimitetit të veprimeve të paligjshme të Izraelit në territoret e okupuara palestineze”, tha në një deklaratë Ministria e Jashtme.

Duke e përshkruar këtë veprim si “një hap jashtëzakonisht të rëndë”, ministria tha se vizita shkel nenet e ligjit ndërkombëtar, përfshirë Rezolutën 2334 të miratuar në vitin 2016 nga Këshilli i Sigurimit i OKB-së, ku Washingtoni është anëtar permanent.

Në reagim thuhet se hapat e tillë të papërgjegjshëm dhe të njëanshëm nuk do të jenë në gjendje të dëmtojnë parametrat e vendosur ndërkombëtarë për zgjidhjen e konfliktit izraelito-palestinez, rezolutat përkatëse të OKB-së ose të drejtat dhe liritë e popullit palestinez.

Veprimet e kalkuluara si këto janë të destinuara të jenë të pafrytshme, tha ministria, duke shtuar: “Ne do të vazhdojmë të mbrojmë të drejtat legjitime të vëllezërve dhe motrave tona palestineze që burojnë nga e drejta ndërkombëtare dhe të mbrojmë kauzën e drejtë të Palestinës”.

loading...