Ish Presidenti francez Nicolas Sarkozy tha të martën se ishte gati të shkonte deri në Gjykatën Evropiane të të Drejtave të Njeriut për të provuar pafajësinë e tij, reagimi i tij i parë publik pasi u shpall fajtor për korrupsion dhe u dënua me burg të Hënën.
Gjykata gjeti që Sarkozy, 66 vjeç, ishte përpjekur të korruptonte një gjykatës dhe të shiste ndikimin e tij pasi u largua nga zyra në këmbim të informacionit të brendshëm në lidhje me një hetim mbi financat e fushatës së tij në 2007. Sarkozy ka apeluar vendimin.
Sarkozy të martën tha se ishte i pafajshëm. Ai tha se ishte viktimë e një padrejtësie të thellë, se vendimi ishte i mbushur me mospërputhje dhe se paanësia politike e disa gjykatësve hetues ishte e hapur për t’u diskutuar.
“Unë apelova vendimin, mbase do të më duhet të ndjek këtë luftë deri në Gjykatën Evropiane të të Drejtave të Njeriut,” i tha Sarkozy gazetës “Le Figaro”.
(E.H/Faxweb.al)
/faxweb
