U dënua me dy vite burg, Adriatik Llalla apelon nga arratia vendimin e gjykatës

adriatik-llalla.png

Ndajeni këtë artikull me të tjerë duke klikuar ikonat më poshtë

Ish-kryeprokurori Adriatik Llalla, vijon betejën me drejtësinë për ti shpëtuar burgut.

Nëpërmjet avokatit të tij mbrojtës Llalla ka apeluar këtë të hënë vendimin e shkalles së parë për pezullimin e dënimit me dy vite burg.

Pezullimi i vendimit kërkohet, pasi sipas mbrojtjes mbyllja e tij në qeli do i sillte pasoja të rënda për shëndetin.

Tashmë do të jetë apeli i GJKKO-së, ku pas caktimit të një date do të vendosë nëse do lërë në fuqi vendimin e Shkallës së Parë, që rrëzoi kërkesën e Llallës, apo do pranoi kërkesën e tij për pezullim dënimi.

Kujtojmë që dhjetë ditë më parë ish kryeprokurori, u shpall në kërkim ndërkombëtar.

SPAK mbylli procedurat dhe dërgoi emrin e tij, në zyrën e Interpolit menjëherë pasi policia dorëzoi raportin për mos gjetjen e tij në banesë apo vende te tjera ku mendohej se ishte.

Ndajeni këtë artikull me të tjerë duke klikuar ikonat më poshtë