Presidenti Ilir Meta i ka uruar shërim të shpejtë Myftiut të Shkodrës, i cili u nis ditën e sotme me urgjencë drejt Turqisë për të marrë trajtim të specializuar nga Covidi. Në një shkrim në Facebook, thotë se uron të kthehet në detyrën e tij për të festuar 30-vjetorin e hapjes së xhamisë së Plumbit.

Shkrimi i Metës: I uroj shërim sa më të shpejtë dhe shëndet të plotë, klerikut të nderuar, Myftiut të Shkodrës, Muhamed Sytari, i prekur nga COVID-19.

Ju bashkohem lutjeve të familjarëve, bashkëpunëtorëve dhe besimtarëve, që të kthehet sa më parë në krye të detyrës së tij të rëndësishme, për të festuar të gjithë së bashku, 30-vjetorin e hapjes së Xhamisë së Plumbit në Shkodër, kësaj ngjarjeje të shënuar për komunitetin mysliman dhe mbarë popullin shqiptar.

loading...