Policia e Tiranës ka vënë në pranga një 26-vjeçar të përfshirë në sherrin e ndodhur dy ditë më parë (10 maj) në zonën e “Ali Demit” në kryeqytet, ku i riu mbeti i plagosur pas dhunës së ushtruar ndaj tij.
Sipas policisë, 26-vjeçari më iniciale G. K., ka deklaruar të dhëna kontradiktore për ngjarjen. Ai është vënë në pranga për veprat penale “Veprime që pengojnë zbulimin e së vërtetës”, “Moskallëzimi i krimit” dhe “Deklaratat e rreme përpara oficerit të policisë gjyqësore”.
Gjithashtu është identifikuar dhe shpallur në krim 28-vjeçari me iniciale Nj.P., pasi dyshohet se është përfshirë në konflikt.
Policia e kryeqytetit, njoftoi se jashtë lokalit pati të shtëna me armë zjarri në ajër dhe shpalli në kërkim katër persona të dyshuar për përfshirje në përplasjen fizike, e cila çoi në plagosjen e 26-vjeçarit.
Më herët në kërkim u shpallën katër të rinjtë me iniciale F. D., 36 vjeç, D. Zh., 25 vjeç, M. D., 27 vjeç dhe F. S., 27 vjeç.
Gjatë kryerjes së vendit të ngjarjes janë gjetur dhe sekuestruar 1 shkop bejsbolli, 2 gëzhoja, 1 automjet dhe 3 celularë.
Njoftimi i policisë
Specialistët për Hetimin e Krimeve të Komisariatit të Policisë Nr. 1: Në vijim të veprimeve procedurale me qëllim dokumentimin e ngjarjes së ndodhur me datë 10.06.2025, rreth orës 23:00, në rrugën “Ali Demi”, kanë arrestuar shtetasin G. K., 26 vjeç, për veprat penale “Veprime që pengojnë zbulimin e së vërtetës”, “Moskallëzimi i krimit” dhe “Deklaratat e rreme përpara oficerit të policisë gjyqësore”, si dhe identifikuan dhe shpallën në kërkim shtetasin Nj. P., 28 vjeç, pasi dyshohet se është përfshirë në konflikt.
Vijojnë hetimet dhe kontrollet për nxjerrjen përpara përgjegjësisë penale të të gjithë shtetasve të implikuar në këtë rast, si dhe për individualizimin e përgjegjësisë së tyre penale;
