Një 82-vjeçare ka ndërruar jetë tek Infektivi, pasi ishte konfirmuar pozitive me COVID-19. Bëhet me dije se 82-vjeçarja është infektuar tek Hematologjia dhe më pas u shtrua tek Spitali Infektiv, ku edhe ndërroi jetë.
Sakaq numri i të prekurve me koronavirus ditën e sotme ne vendin tonë ka rënë ndjeshëm. Faxweb.al raporton se në 24 orët e fundit janë regjistruar 50 raste te reja.
Ndërkohë në qytetin e Shkodrës në 24 orët e fundit janë shënuar 11 raste të reja me COVID-19, ku janë kthyer në shqetësim fasoneritë, pasi raportohet për numër të madh personash të infektuar.
Rastet e tjera janë vijim i kontakteve të ditëve më parë. Ndërkohë në Krujë nga 14 testime të kryera, kanë rezultuar pozitive 6 raste të reja.
4 raste të reja janë konfirmuar me koronavirus gjatë 24 orëve të fundit në qytetin e Durrësit. Faxweb raporton se 2 rastet janë nga kontaktet me persona të infektuar më parë, ndërkohë që 2 raste e tjera janë vatra të reja, një në Durrës dhe tjetër në Sukth.
Ndërkohë Kukës nga 26 testime për Covid-19 në 24 orët e fundit të gjithë kanë dalë negative. Po ashtu raportohet edhe për dy raste të reja në qytetin e Korçës.
Kujtojmë se një ditë më parë në vendin tonë u shënua një rekord i ri me persona të infektuar me COVID-19, ku u konfirmuan 82 raste të reja.(M.Q/Faxweb.al)
/faxweb