Një ngjarje tragjike u zbulua mbrëmjen e së mërkurës në lagjen “Skenderbeg” të Shkodrës.
Burimet bëjnë me dije se 15-vjeçarja, Melita Shkalla i dha fund jetës së saj.
E mitura, në gjendje të rëndë psikologjike u gjet e vetëvarur në banesën e saj.
Familjarët e adoleshentes e gjetën vajzën e tyre pa shenja jete në dhomë e dërguan në spitalin e Shkodrës, por fatkeqësisht ajo nuk arriti të mbijetojë.
Sipas informacioneve të deritanishme, ka dyshime se e mitura ishte shantazhuar dhe kërcënuar nga dikush, ndaj dhe ajo ndërmori aktin tragjik.
Shokë dhe shoqe të Melitës kanë reaguar nëpër rrjetet sociale. Nëpërmjet disa postimeve mes lotësh e dhimbjesh ata i japin lamtumirën e fundit Melisës.
Policia dhe prokuroria po kryejnë hetime të thelluara për të zbardhur motivet dhe për të identifikuar çdo faktor që mund të ketë kontribuar në këtë akt të rëndë.
