Gjatë paradites së sotme (7 mars) disa kalimtarët kanë pikasur trupin e pajetë të një gruaje në liqenin e Viroit, Gjirokastër.
Policia njofton se viktima është shtetasja I.K 66 vjeç, banuese në fshatin Manalat, me probleme të shëndetit mendor, e cila dyshohet se është vetëhedhur në liqen.
Nga këqyrja paraprake e trupit të kësaj shtetaseje, nuk janë konstatuar shenja dhune.
Njoftimi i policisë:
Gjirokastër/Informacion paraprak
Rreth orës 10:00, në liqenin e Viroit, është konstatuar trupi i pajetë i shtetases I. K., 66 vjeçe, banuese në Manalat, me probleme mendore, e cila dyshohet se është vetëhedhur në liqen.
Në vendngjarje kanë shkuar menjëherë shërbimet e Policisë dhe ato zjarrfikëse, të cilat kanë nxjerrë trupin e pajetë, nga liqeni.
Nga këqyrja paraprake e trupit të kësaj shtetaseje, nuk janë konstatuar shenja dhune.
Grupi hetimor vijon punën për zbardhjen e plotë të rrethanave të rastit.