Afati prej 72 orësh i vendosur nga qeveria shqiptare për dy diplomatët iranianë që u shpallën “non grata”, duket se është respektuar. Sipas informacioneve mësohet se diplomatët e dëbuar me urdhër te Ministrit në Detyrë për Evropën dhe Punët e Jashme, janë larguar sot nga vendi ynë në drejtim të Turqisë.
Diplomatët Mohamed Peimanemati, që ishte këshilltar i tretë i Ambasadës së Iranit në Tiranë dhe Seyed Ahmad Hosseini, atashe kulturor i Iranit në Shqipëri, janë larguar sot nga Rinasi. Largimi i tyre është ndjekur imtësisht nga struktura e anti-terrorrit në Policinë e Shtetit, dhe është pritur deri në ngritjen e avionit ku ishin dy irianianët brenda, pasi dyshohej që ata mund të mos e respektonin urdhrin.