Ende nuk është dhënë informacion i mëtejshëm në lidhje me takimin me dyer të mbyllura, i cili u zhvillua në margjinat e Asamblesë së Përgjithshme të OKB-së, por Trump më vonë tha se ishte “shumë i suksesshëm”, pa dhënë detaje, dhe Erdogan e përshkroi atë si një “takim shumë produktiv dhe pozitiv”.
Trump tha të martën se do të diskutonte situatën në Rripin e Gazës së rrethuar me udhëheqësit rajonalë gjatë një takimi shumëpalësh “shumë të rëndësishëm”.
Shtëpia e Bardhë kishte thënë më parë se Turqia, Katari, Arabia Saudite, Indonezia, Pakistani, Egjipti, Emiratet e Bashkuara Arabe dhe Jordania do të përfaqësoheshin në nivelin e udhëheqësve, por nuk dha detaje të mëtejshme.
Turqia, një anëtare e NATO-s, i ka dënuar fuqimisht sulmet e Izraelit në Gaza, duke i quajtur ato gjenocid. Ajo ka ndërprerë të gjitha marrëdhëniet tregtare me Izraelin, ka kërkuar masa ndërkombëtare kundër tij dhe ka bërë thirrje për një armëpushim të menjëhershëm në Gaza. /tesheshi.com/