Presidenti Ilir Meta ditën e djeshme ka bërë një vizitë në familjen e të ndjerit Klodian Rasha, i riu që u vra nga një efektiv policie në kryeqytet.
Ngjarja e rëndë ndodhi në 8 dhjetor në zonën e Laprakës.
“News 24” raporton se Meta është pritur nga babai dhe e nëna e Klodianit dhe të afërm të tyre.
Sipas familjarëve, Meta ka preferuar që të shkojë në familjen e tyre për ngushëllim në këtë moment për shkak se sipas tyre presidenti nuk ka dashur që kjo vizitë të politizohej.
Kujtojmë se vrasja e Klodian Rashës solli reagime të forta, deri në protesta të dhunshme për disa ditë me radhë në kryeqytet dhe jo vetëm.