Drejtori i BioNTech gjerman, Ugur Sahin, shprehu besimin e tij se vaksina që kompania farmaceutike zhvilloi me American Pfizer do të jetë efektive edhe kundër llojit të ri të virusit corona, i cili është shfaqur në Britaninë e Madhe.
Ai tha se BioNTech do të hetojë këtë mutacion në virusin corona në ditët në vijim, por se ai po “vëzhgon situatën esëll”, raporton Reuters.
Vendet rreth botës të hënën vazhduan të mbyllnin kufijtë e tyre me Mbretërinë e Bashkuar, nga frika e një lloji të ri të koronavirusit, i cili po përhapet 70 përqind më shpejt se më parë.
Anulimi i fluturimeve çoi në kaos në trafik dhe rriti mundësinë e mungesës së ushqimit në Britaninë e Madhe.
Deklarata e Sahin është në përputhje me pozicionin e Organizatës Botërore të Shëndetësisë (OBSH) se nuk ka arsye për shqetësime të mëdha dhe se lloji i ri i virusit është një pjesë e zakonshme e evolucionit të pandemisë.
Pak para deklaratës së Sahin, Bashkimi Evropian dha miratimin për përdorimin e vaksinës Pfizer dhe BioNTech, shpërndarja e së cilës do të fillojë pas Krishtlindjeve.
