Ukraina godet tubacionin që transportonte naftën ruse në Hungari dhe Sllovaki

Naftësjellësi “Druzhba” në rajonin Tambov të Rusisë qendrore është sulmuar nga Ukraina, tha të mërkurën (12/3) një burim pranë Shërbimit të Sigurisë Ushtarake të Ukrainës (GUR).

Sipas Reuters, ky është sulmi i pestë ukrainas ndaj naftësjellësit që furnizon me naftë ruse Hungarinë dhe Sllovakinë.

Hungaria dhe Sllovakia vazhdojnë të furnizohen me produkte energjie nga Rusia, edhe pasi vendet e tjera të Bashkimit Evropian i ndërprenë lidhjet pas pushtimit të Ukrainës në vitin 2022.

Mediat ukrainase raportuan se sulmi përfshinte eksplozivë të shpërthyer nga distanca. Operatori sllovak i tubacionit dhe kompania hungareze e naftës dhe gazit njoftuan më vonë të hënën se furnizimet përmes tubacionit Druzhba po funksiononin normalisht. Nuk pati asnjë koment nga Rusia.

Ukraina sulmoi tubacionin një herë në mars, dy herë në gusht dhe një herë në shtator të këtij viti. Kievi pretendon se sulmet e saj ndaj objektivave energjetikë, në përgjigje të sulmeve të vazhdueshme të Rusisë ndaj Ukrainës, synojnë dobësimin e përpjekjeve të përgjithshme të luftës së Moskës.

Përshtati në Shqip S