Avioni me katër fëmijë dhe një grua të riatdhesuar sapo është ulur në pistën e Rinasit. Mes tyre është edhe Endri Dumani, të cilët u nxorën nga kampi famëkeq në Siri, “Al Hol”.
Floresha Rasha me fëmijët e saj Amar Rasha, Emel Rasha dhe Hatixhe Rasha së bashku me djalin e familjes Dumani, Endri Dumani janë shqiptarët që u nxorën nga kampi famëkeq “Al Hol”.
Nga i njëjti kamp u riatdhesua edhe vogëlushi shqiptar Alvin Berisha, ngjarje e cila bëri bujë disa muaj më parë.
Një pjesë e mirë e vendeve i kishin tërhequr qytetarët e tyre nga kampi në fjalë, ndërsa shqiptarët mbetën aty deri ditën e sotme. Pritet që në ditët në vijim të bëhet edhe transferimi i të tjerëve.
