Pasagjerët e një avioni që u përfshi nga flakët pas uljes problematike të tij në aeroportin e Miamit përjetuan momente tmerri dje, të martën.
Sipas Daily Mail, avioni Red Air (një transportues me kosto të ulët i krijuar vetëm vitin e kaluar në Republikën Domenikane) ishte nisur nga Santo Domingo për në Miami, me 126 pasagjerë dhe 11 anëtarë të ekuipazhit në momentin e aksidentit.
Close-up video of passengers getting off the plane | #ONLYinDADE pic.twitter.com/o3YyMU9mgx
— ONLY in DADE (@ONLYinDADE) June 22, 2022
Ndërsa iu afrua aeroportit, pajisjet e uljes së avionit dështuan, duke bërë që të ulej në bark, duke u përplasur me një ndërtesë të vogël dhe një kullë komunikimi përpara se të përfshihej nga flakët. ..
Tre persona janë dërguar në spital pas aksidentit, i cili fatmirësisht nuk përfundoi në tragjedi, falë reflekseve të shpejta të pilotit, ekuipazhit dhe zjarrfikësve.
“Mendova se do të vdisja”, tha Paola Garcia, një nga pasagjerët për CBS Miami. Siç ka shpjeguar ajo, gjatë uljes ka qenë aq e frikësuar sa ka përqafuar plakun e panjohur që ishte ulur pranë saj në avion. “Ishte e tmerrshme. U drodhëm dhe shumë xhama u thyen dhe më pas gjithçka ndaloi. Disa çaste më vonë, njerëzit filluan të vrapojnë jashtë sepse kishte një zjarr”.
