Një zjarr i madh, i shkaktuar nga erërat e forta uragane, shkatërroi qytetin historik të Lahaina, që ndodhet në ishullin Maui në Hawaii.
Senatori i shtetit amerikan Brian Schatz tha në rrjetet sociale se Lahaina ishte “pothuajse plotësisht e djegur deri në tokë”.
Të paktën gjashtë persona u shuan në lagjen Maui, thanë zyrtarët të mërkurën, 9 gusht.
Spitalet Maui janë të mbingarkuar me pacientë të djegur dhe njerëz me dëmtime të mushkërive nga thithja e tymit.
“Zjarrfikësit janë ende duke u përpjekur për të vënë nën kontroll zjarret dhe reaguesit e parë janë në fazën e kërkim-shpëtimit”, tha Schatz.
Pati raportime për disa njerëz që hidheshin në oqean për t’i shpëtuar flakëve që lëviznin me shpejtësi. Roja Bregdetare e SHBA tha se shpëtoi të paktën një duzinë njerëz nga uji.
Kryetari i Bashkisë Maui, Richard Bissen Jr tha në një konferencë shtypi se shumë shtëpi dhe struktura biznesi u shkatërruan plotësisht.
Një banor i qytetit me rreth 12,000 banorë tha për mediat lokale se çdo anije në portin e qytetit ishte në zjarr.
“Duket si diçka nga një film, një film lufte,” tha Chrissy Lovitt për Hawaii News Now, sipas BBC.
Zyrtarët thanë se ishte ende e vështirë për të përcaktuar shkallën e vërtetë të dëmit në Maui dhe
paralajmëruan se numri i të vdekurve mund të rritet, me rreth 2,100 njerëz të zhvendosur.
Njerëzit që jetojnë në Lahaina thanë se janë të shqetësuar për anëtarët e familjes që janë zhdukur.
“Unë ende nuk e di se ku është vëllai im i vogël,” tha Tiare Lawrence për Hawaii News Now. “Nuk e di ku është njerku im”.
“Të gjithëve që njoh në Lahaina u janë djegur shtëpitë,” tha znj. Lawrence.