Duke filluar nga kjo e diele deri me datën 2 janar të gjitha spitalet dhe urgjencat kombëtare do të jenë 24 orë në shërbim të qytetarëve. Lajmin e bëri të ditur ministrja e ministrja e shëndetësisë Ogerta Manastirliu teksa vizitoi stafin mjekësor në urgjencën e QSUT dhe spitalit të traumës.
Me rastin e festave në të gjithë vendin, Manastirliu tha se 127 autoambulanca do të jenë në terren. Në Tiranë do të jenë 5 pika dhe 8 ekipe pranë sheshit Nënë Tereza dhe sheshit Skënderbej, në kombinat, rrugën e Kavajës, në ish-urgjencën e Tiranës si dhe në qendrën kombëtare të urgjencës, pranë spitalit të traumës. Ndërsa në qytetet e tjera autoambulanca do të jetë e stacionuar në qendër. Ministrja garantoi dhe furnizimin me medikamente dhe materiale mjekësore të ndihmës së shpejtë në të gjitha spitalet.
