Komisionerja e Komisionit Evropian për Çështjet e Brendshme, Ylva Johansson paralajmëron se vendet anëtare të BE-së do të duhet të përballen me sfida të vështira ndërsa popullsia e kontinentit plaket.
Gjatë vizitës së saj në Greqi, ajo tha se “popullsia në moshë pune në BE po zvogëlohet me një milion në vit, që do të thotë se migrimi legal duhet të rritet me gati një milion në vit”.
Sipas saj, siç raporton AP, ekziston një nevojë urgjente për të hequr dorë nga migrimi i paligjshëm dhe për të “gjetur alternativa më legjitime”.
Popullsia evropiane po plaket
Komisioni Evropian po përpiqet të rishikojë rregullat e migracionit në të gjithë BE para përfundimit të këtij mandati dhe zgjedhjeve të Parlamentit Evropian në qershor, dhe një marrëveshje paraprake u arrit muajin e kaluar.
Sipas parashikimeve të bëra nga agjencia e statistikave Eurostat, pjesa e popullsisë mbi 65 vjeç do të rritet nga 21.1 për qind në vitin 2022 në 31.3 për qind deri në fund të shekullit.
Megjithëse shqetësimet rreth migrimit kanë forcuar mbështetjen për partitë e ekstremit të djathtë dhe anti-BE në shumë vende evropiane, Johansson argumenton se “shkaktimi i ksenofobisë dhe racizmit është krijuar nga migrimi i paligjshëm”.
