Ish-presidenti amerikan, Barack Obama ka uruar fitoren e Joe Biden si President i 46-të i ShBA. Me anë të një statusi të gjatë në Twitter, Obama thotë se kur të hyjë në Shtëpinë e Bardhë do përballet me seri sfidash: pandemi e tërbuar, ekonomi e pabarabartë, demokraci e klimë në rrezik.
Obama shprehet i sigurtë se Biden do e bëjë punën duke u bazuar në interesat më të mira për amerikanët dhe thotë se do ta mbështesë sa më shumë të mundet.
“Nuk mund të isha më i lumtur për të përgëzuar Presidentin tonë të ardhshëm, Joe Biden, dhe Zonjën tonë të Parë të ardhshme, Jill Biden. Po ashtu, nuk do të mund të isha më i lumtur për të uruar Kamala Harrisin dhe Doug Emhoff për zgjedhjen e Kamalas si nën-presidente e jona e ardhshme.
Dhe sapo të numërohen çdo votë, Presidenti i Zgjedhur Biden dhe Zëvendës Presidenti i Zgjedhur Harris do të kenë fituar një fitore historike dhe vendimtare.
Ne jemi me fat që Joe mori atë që duhet për të qenë President dhe tashmë e mbart veten në atë mënyrë. Sepse kur ai të hyjë në Shtëpinë e Bardhë në janar, ai do të përballet me një seri sfidash të jashtëzakonshme që asnjë President nuk ka patur kurrë, një pandemi e tërbuar, një ekonomi e pabarabartë dhe sistem drejtësie, një demokraci në rrezik dhe një klimë në rrezik.
Unë e di se ai do ta bëjë punën me interesat më të mira të çdo amerikani në zemër, pavarësisht nëse ai kishte ose jo votën e tyre. Kështu që unë inkurajoj çdo amerikan që t’i japë një shans dhe t’i japë mbështetjen tuaj. Rezultatet e zgjedhjeve në çdo nivel tregojnë se vendi mbetet thellësisht i ndarë.
Në fund, unë dua të falënderoj të gjithë ata që punuan, organizuan dhe dolën vullnetarë për fushatën Biden, çdo amerikan që u përfshi në mënyrën e tyre dhe të gjithë që votuan për herë të parë. Përpjekjet tuaja bënë një ndryshim. Shijojeni këtë moment.
Demokracia jonë ka nevojë për të gjithë ne më shumë se kurrë. Dhe Michelle dhe unë shpresojmë të mbështesim Presidentin tonë të ardhshëm dhe Zonjën e Parë sido që të mundemi”, shkruan Obama në statusin e tij në Twitter.
/faxweb
