Shtetet e Bashkuara kanë sekuestruar anijen cisternë të sanksionuar të naftës M/T Sophia në ujëra ndërkombëtare dhe po e shoqërojnë atë në Shtetet e Bashkuara.
Anija thuhet se po lundronte pa flamur dhe besohet të jetë pjesë e një flote “në hije” të lidhur me interesat ruse. Anija kishte shkelur sanksionet e SHBA-së mbi tregtinë e karburantit.
Anija e dytë po lundronte në Detin e Karaibeve, sipas Komandës Jugore të SHBA-së. “Anija u sekuestrua gjatë një operacioni para agimit”, shtoi ushtria.
“Anija e ndaluar, M/T Sophia, po operonte në ujëra ndërkombëtare dhe po kryente aktivitete të paligjshme në Detin e Karaibeve”, tha ushtria amerikane në një deklaratë. “Roja Bregdetare e SHBA-së po shoqëron anijen M/T Sophia në Shtetet e Bashkuara për asgjësimin përfundimtar.”
Sipas të njëjtit burim, operacioni u drejtua nga Departamenti i Sigurisë Kombëtare me mbështetjen e ushtrisë amerikane.
Duhet theksuar se Marinera është cisterna e fundit që është vënë në shënjestër nga Roja Bregdetare e SHBA-së që kur Presidenti Donald Trump nisi fushatën e tij të presionit kundër Venezuelës/CNN