Katër palestinezë u plagosën nga zjarri i ushtrisë izraelite në Bregun Perëndimor të pushtuar, sipas burimeve palestineze.
“Dy palestinezë u plagosën të martën nga të shtënat izraelite gjatë një bastisjeje ushtarake në qytetin Kabatia, në jug të qytetit të pushtuar të Bregut Perëndimor të Jeninit”, njoftoi agjencia palestineze e lajmeve WAFA.
Sipas agjencisë, dy të rinj palestinezë u plagosën pasi forcat izraelite i qëlluan ndërsa ishin në automjetin e tyre, duke shkaktuar konfrontime.
Ushtarët izraelitë qëlluan me plumba, bomba rezonante dhe bomba me gaz toksik drejt palestinezëve, shtoi WAFA.
Ushtria izraelite hodhi në erë shtëpinë e një të riu palestinez i cili u qëllua për vdekje nga policia izraelite në mars, thuhet ndër të tjera.
“Si masë ndëshkuese, forcat izraelite pushtuese hodhën në erë shtëpinë e familjes së të riut të vrarë palestinez Mutaz Khawaja në fshatin Ni’lin, në perëndim të qytetit të Ramallah në Bregun Perëndimor të pushtuar gjoja për vrasjen e një izraeliti”, raportoi WAFA.
Ky veprim shkaktoi konfrontime midis të rinjve palestinezë dhe ushtarëve izraelitë, të cilët plagosën “dy persona në dorë dhe në shpatull”.
Khawaja u vra më 9 mars nga forcat e policisë izraelite, gjoja për kryerjen e një sulmi me armë në Tel Aviv, duke vrarë një izraelit dhe duke plagosur disa të tjerë.
Zona të veçanta të Bregut Perëndimor kanë dëshmuar një përshkallëzim të dukshëm dhe një rritje të ritmit të operacioneve të forcave izraelite që nga fillimi i vitit.
Burimi: AA
