Vështirë se ndonjë ilaç tjetër shtëpiak ka një spektër kaq të gjerë efektesh sa uthulla e mollës: metabolizmi, sheqeri në gjak, mëlçia, zorrët, lëkura ose flokët – trupi ynë mund të përfitojë nga fuqia stimuluese dhe shëruese e uthullës së mollës.
Çfarë është uthulla e mollës?
Uthulla e mollës prodhohet gjatë procesit të fermentimit të mushtit me ndihmën e baktereve të acidit. Produkti përfundimtar ka shije frutash dhe është veçanërisht i përshtatshëm për përgatitjen e sallatave.
Uthulla e mollës jo vetëm që ka shije të mirë, por ka edhe një efekt pozitiv në shëndetin tuaj. Si një ilaç natyral në shtëpi, uthulla e mollës ndihmon kundër sëmundjeve të ndryshme.
Përbërësit kryesorë përfshijnë:
- Vitaminat A, B1, B2, B6, C dhe E
- Beta karoten (pararendës i vitaminës A)
- Acidi folik (Vitamina B9)
- Kaliumi
- Magnezi
- Hekuri
- Natriumi
- Kalciumi
- Fosfati
- Fluorini
- Jodi
- Zinku
- Bakri
- Seleniumi
Uthulla e mollës ka një histori të gjatë si një ilaç shtëpiak. Romakët e përdorën atë, për shembull, për të dezinfektuar plagët. Në mesjetë, ilaçi acidik përdorej për të luftuar murtajën – larjet dezinfektuese me uthull molle supozohej të mbronin njerëzit e shëndetshëm nga infeksioni me patogjenin vdekjeprurës.
Sot, naturopatët e vlerësojnë këtë uthull frutash si një trajtim alternativ ose shoqërues ndaj terapive mjekësore konvencionale. Uthulla e mollës konsiderohet gjithashtu një produkt natyral bukurie për lëkurë të pastër dhe flokë me shkëlqim.
Uthulla e mollës është shumë e shëndetshme
- Uthulla e mollës stimulon tretjen
Nëse vuani nga stomaku, uthulla e mollës mund t’ju ndihmojë. Sepse ka një efekt pozitiv në shëndetin e zorrëve. Acidi stimulon formimin e pështymës, acidit të stomakut dhe lëngjeve tretëse.
Si rezultat, enzimat tretëse çlirohen gjithnjë e më shumë. Kanë efekt tretës dhe ndihmojnë në kapsllëk dhe urth. Ato gjithashtu reduktojnë fryrjen e barkut.
- Uthulla e mollës ju mban të ngopur për një kohë të gjatë
Subjektet në një studim të uthullës së mollës konsumuan uthull molle gjatë gjithë ditës. Krahasuar me një grup testues që nuk konsumoi uthull molle, ata konsumuan çdo ditë mesatarisht 275 kalori më pak. Arsyeja për këtë është se uthulla e mollës rrit ndjenjën e ngopjes. Uthulla e mollës mund të ndihmojë gjithashtu në humbjen e peshës.
- Efekt antibakterial
Uthulla e mollës ka veti anti-inflamatore dhe antibakteriale. Ju mund të luftoni në mënyrë efektive bakteret dhe mykun me uthull. Polifenolet që përmbahen në uthullën e mollës thuhet se lidhin radikalet e lira dhe kanë efekte anti-inflamatore. Uthullën mund ta përdorni edhe për të dezinfektuar lëkurën ose plagët.
- E mirë për sistemin imunitar
Uthulla e mollës përmban shumë minerale dhe vitamina që forcojnë sistemin imunitar. Këto përfshijnë vitaminat A dhe C, kalium, magnez, hekur dhe shumë të tjera. Megjithatë, një dietë e shëndetshme është gjithashtu e rëndësishme, pasi efekti vetëm me uthull molle është relativisht i vogël për shkak të sasisë së vogël të konsumuar.
- Conditioner flokësh me uthull, për flokë me shkëlqim
Uthulla e mollës për flokët është një tjetër këshillë e njohur: rekomandohet për flokët që yndyrosen shpejt dhe për skalpin e thatë. Uthulla e mollës vepron edhe kundër zbokthit. Mund ta përdorni si conditioner duke i shpëlarë flokët me uthull molle pasi t’i keni larë. Për ta bërë këtë, shtoni një lugë çaji uthull molle në një filxhan ujë në një shishe shampo bosh, tundeni dhe aplikojeni në flokë. Lëreni të veprojë për një kohë të shkurtër dhe më pas shpëlajeni me ujë të pastër.
Megjithatë, është e rëndësishme që para konsumimit gjithmonë ta holloni uthullën, përndryshe acidi mund t’ju ngacmojë stomakun. Nëse e shijoni rregullisht pijen e thartë të holluar mirë, mund të prisni një tretje të ekuilibruar. Uthulla supozohet të ndihmojë me kapsllëkun. Ajo gjithashtu ndihmon me urthin. Por në këtë rast duhet pirë pas vaktit ushqimor.
Si ta pini uthullën e mollës?
Gjithmonë duhet të pini uthull molle të holluar me ujë në mënyrë që acidi të mos irritojë mukozën në traktin tretës. Për shembull, përzjeni një filxhan ujë të ftohtë ose të vakët me dy lugë çaji uthull molle dhe një lugë çaji mjaltë. Funksionon edhe pa mjaltë, por uthulla e mollës shijon më mirë me mjaltë.
Sa shpesh dhe kur duhet ta pini?
Nëse e pini uthullën e mollës në mëngjes para mëngjesit, thuhet se ajo rrit metabolizmin tuaj. Por kujdes: Nëse keni stomak të ndjeshëm, duhet të hani diçka fillimisht dhe vetëm më pas të pini uthullën e holluar të mollës. Sigurisht, mund të pihet edhe në mbrëmje ose në mes.
Përshtati në Shqip: Marsida Bregasi
Burimi: https://www.netdoktor.de/hausmittel/apfelessig/, https://www.fitforfun.de/news/vielfaeltiges-hausmittel-das-passiert-wenn-du-jeden-tag-apfelessig-trinkst-528863.html
