“Vajzës i thashë, të mbroj unë” 71 vjeçari me profesion zooteknik, shkon në gjykatë si avokat

Screenshot_87-3.png

Ndajeni këtë artikull me të tjerë duke klikuar ikonat më poshtë

Kur e bija u hoq nga puna pa të drejtë, ky 71 vjeçar mori përsipër që ta mbrojë në gjyq vajzën, për të kërkuar të drejtën e saj ligjore.

Pa çka se Ramazani nuk zotëron ndonjë diplomë juristi e kurrë nuk ka punuar si avokat, sërish ka marrë përsipër që në gjyq të shkojë si i tillë, si avokati i të bijës.

“Sot kam gjyqin e vajzës, përvoja ime ndonëse s’jam avokat është nga përvoja e jetës se më kanë larguar shpesh nga puna”, u shpreh Doci në intervistë për Tch.

I moshuari nga Dibra shkoi në gjykatën e shkallës së parë në Tiranë për të mbrojtur të bijën me një prokurë përfaqësimi.

“I thashë vajzës do të përfaqësoj unë, ja sot kam përfaqësimin. Punëdhënësit gabojnë nga inati dhe aty shkelin kodin’, u shpreh Ramazani.

71 vjeçari nuk e ka përvojë të parë përballjen me heqjet e padrejta nga puna. Vetë ai e provoi mbi kurriz largimin nga puna në vitin 2002 dhe që nga ajo kohë nisi të mbrohet vetë.

“E përvetësova kodin, fitova gjyqin, pastaj më hoqi ndërmarrja tjetër, prapë e fitova gjyqin dhe pastaj hapa gjyqe se s’më jepnin paratë. Nga 17 gjyqe kam humbur vetëm një, të pensionit dhe atë e kam në apel”, u shpreh Doci.

Ndajeni këtë artikull me të tjerë duke klikuar ikonat më poshtë