Studente e mjekësisë teknike në Durrës Matilda Mehmetaj ditën e sotme ka denoncuar në Fax News faktin se në universitet nuk është lejuar asnjë student i pavaksinuar në auditor dhe se duke qenë një prej tyre ajo është detyruar të bëjë kërkesë për ç’regjistrim.
Ajo shprehet se shkoi në auditor dhe 3 pedagogë i nxorrën jashtë të gjithë studentët e pavaksinuar.
Avokati Altin Goxhaj i ndodhur atje, në mbështetje të studentëve shprehet se asnjë pedagog nuk ka kompetencën e duhur për të mos lejuar një student në auditor dhe se ky veprim është në shkelje të plotë të ligjit.
“Vetëm studentët e vaksinuar të jenë në auditor dhe të tjerët të dalin jashtë, kur ne nuk pranuam ai u detyruar të dilte dhe të mos zhvillonte mësim. Ndërsa dy pedagogët e tjera na nxorrën jashtë.
U detyrova të bëj një kërkesë për ç’regjistrim bashkë me 2 studentë të tjerë.”-u shpreh studentja.
“Nuk është detyra e tyre t’i nxjerrin jashtë, nuk kanë asnjë kompetencë dhe po shkelin hapur ligjin. Jemi një grup avokatësh që jemi organizuar për të mbrojtur cdo student në arsimin e lartë”-tha avokati Goxhaj.
(E.D/faxweb.al)
…
/faxweb