Nënkryetari i LSI, Petrit Vasili vijon t’i kërkojë sqarime kryeministrit Edi Rama se cilat familje janë ndihmuar me pako ushqimore dhe ilaçe. Me anë të një postimi në “Facebook”, Vasili tha se nëse Rama nuk tregon detaje, do të thotë se ka gënjyer.
“Kryeministri të tregojë kush janë 163.811 familjet që morën ndihma ose të pranojë që gënjeu!! Po ja përsëris pyetjet kryeministrit meqenëse përdridhet dhe nuk përgjigjet.
Cilat janë 163.811 familjet, që kanë marrë sipas deklarimeve të tij, ushqime dhe ilaçe?? Çfarë ushqimesh kanë marrë?? Çfarë ilaçesh kanë marrë?
Nëse nuk përgjigjet do të thotë se gënjeu në mënyrë të ulët.”
Kjo nuk është hera e parë që Petrit Vasili ia shtron këto pyetje kryeministrit Edi Rama. Ai kërkon sqarime nga kreu i qeverisë pas një deklarate të këtij të fundit se në këtë kohë pandemie ka ndihmuar 163.811 familje që janë në nevojë.
