Zyrat gjermane të punësimit parashikojnë një tjetër rënie të papunësisë në muajt në vijim.
“Rritja e tregut të punësimit pritet të vazhdojë deri vitin e ardhshëm”, deklaroi sot Instituti për Punësim dhe Kërkim (IAB), duke publikuar rezultatet mujore për statistikat e muajit tetor.
“Sërish vihet re se trendi negativ në ekonominë botërore nuk prek trendin pozitiv në tregun e punësimit në Gjermani”, komentoi Enzo Weber, kreu i departamentit të IAB-së për parashikimet.
