Vdekja e 4 turistëve rusë, flet menaxherja e hotelit: Shkova përpara për ta kontrolluar, futa dorën tek uji i pishinës por ishte…

ruset-2.jpg

Ndajeni këtë artikull me të tjerë duke klikuar ikonat më poshtë

Zbardhet një tjetër dëshmi në lidhje me vdekjen misterioze të 4 turistëve rusë në hotelin, të cilët u gjetën të pajetë në hotelin në Qerret të Kavajës.

Menaxherja e ‘Gloria Palace’, Xhuliana Pole pohoi se rreth orës 16:30, të datës 15 tetor kishte bërë një kontroll në ambientet e pishinës së hotelit. Mes të tjerash ajo tha se gjithçka ishte në rregull.

“Unë rreth orës 16.30, të datës 15 tetor, kam qenë e shoqëruar nga përgjegjësi i sallës dhe kemi bërë një kontroll të ambienteve të pishinës. Ku kemi kontrolluar temperaturën e ambientit e cila ishte 28 gradë bazuar në pajisjet treguese të kondicionerëve. Higjienën dhe temperaturën e ujit të pishinës të cilët e kam prekur me duar dhe më është duhur mesatarisht i ngrohtë”, tha fillimisht Xhuliana në emisionin ‘Në shënjestër’.

Dua të them se bazuar në gjërat që kontrollova në SPA çdo gjë ishte brenda normave. Këta shtetas janë futur në ambientet e SPA rreth orës 20:30. Vajza e recepsionit ka shkuar për të qëndruar dhe për t’u afruar ndihmë se mos u nevojitej ndonjë send. Klientët i janë përgjigjur se janë mirë dhe nuk kanë nevojë për asgjë dhe duan të qëndrojnë në privatësinë e tyre. Pas rreth 30 minutash vajza e recepsionit ka shkuar përsëri me sanitaren për t’i pyetur nëse u duhej ndonjë gjë, dhe në këtë moment i kanë gjetur turistët pa ndjenja në ambientet e pishinës”, përfundoi ajo.

/faxweb

Ndajeni këtë artikull me të tjerë duke klikuar ikonat më poshtë