Vdekja e Ilvi Metës/ Berisha bëri thirrje një ditë më parë, ja qyteti i parë që paralajmëron sot protestë para komisariatit

Qytetarët e Mirditës do të protesojnë sonte përpara Komisariarit të Policisë Mirditë, për të riun që humbi jeten pak ditë më parë në Komisariatin e Policisë Kavajë.

Kjo është bërë e ditur nga kryetari i PD Mirditë Albert Mëlyshi në një postim në faqen e tij sociale.

Protesta do të mbahet rreth orës 20:00. Në këtë mënyrë Mirdita bëhet qyteti i parë që i bashkohet thirrjes së Sali Berishës për protestë paqësore pas vdekjes së Ilvi Metës në Komisariatin e Kavajës.

“Jeta nuk është e sigurtë as brenda institucioneve të ruajtjes së rendit”

Ftojmë qytetarët e Mirditës të ndezim qirinj dhe të lutemi për shpirtin e të riut që humbi jeten brenda komisariatit të policisë Kavajë!

Sot datë 07.05.2022, ora 20:00, përballë komisariatit të policisë Mirditë, protestë homazh!”