Vdekja e minatorit në Martanesh ditën e mërkurë, ka çuar në arrestimin e një personi.
Policia e Bulqizës ka bërë arrestimin e brigadierit të firmës që po kryente punime në një nga galeritë e Martaneshit.
Ai akuzohet për mos marrjen e masave të sigurisë në hapësirat mes kateve të galerisë ku punohej.
Sipas policisë brigadieri I.K 40 vjeç nuk ka bërë punën e tij e për pasojë minatori Basri Xhafa me detyrë vagonist gjeti vdekjen pasi u rrëzua një ditë më parë në thellësi të tokës.
