Poeti palestinez Refaat Alarir, një nga anëtarët më të njohur të gjeneratës së re të shkrimtarëve që shpesh shkruante në anglisht për t’i treguar historitë e njerëzve të Rripit të Gazës për një audiencë më të gjerë, u vra në një bombardim izraelit, thanë miqtë e tij.
“Vrasja e Refaatit është tragjike, e dhimbshme dhe zemëruese. Është një humbje e madhe”, tha miku i tij, gazetari palestinez Ahmed Alnauk, përmes X (ish-Twitter), pas bombardimeve vdekjeprurëse izraelite të enjten mbrëma në pjesën veriore të Rripit të Gazës, sipas Ministrisë së Shëndetësisë të qeverisë së Hamasit.
You win Refaat. And we lose. You are in a better place now, unlike us. I envy you now. And I feel sorry for me.
Rest in peace Refaat. Rest in peace…
— Ahmed Alnaouq (@AlnaouqA) December 7, 2023
“Zemra ime është thyer, miku dhe kolegu im Refaat Alarir është vrarë së bashku me familjen para pak minutash (…) Nuk dua ta besoj. Ne na pëlqente të mblidhnim luleshtrydhet së bashku”, shkroi gjithashtu poeti i Gazës Mosab Abu Toha përmes X.
“U prehsh në paqe Refaat Alair. Ne do të vazhdojmë të ndriçohemi nga mençuria juaj, sot dhe përgjithmonë”, tha autori dhe gazetari Ramzi Barood përmes X.
Faqja e specializuar Literary Hub bëri homazhe për të ndjerin.
Profesor i anglishtes në Universitetin Islam të Gazës, ku ai mësoi kryesisht veprat e Shekspirit, Refaat Alarir bashkëthemeloi nismën “Ne nuk jemi numra”, e cila bashkon shkrimtarët në Gaza me “mentorë” jashtë vendit që i ndihmojnë ata të shkruajnë në anglisht dhe rrëfejnë realitetin e tyre.
Ai redaktoi librin “Gaza shkruan prapa”, një kronikë e jetës në Rripin e Gazës nga shkrimtarë të rinj, si dhe shkroi librin “Gaza e paheshtur “.
Disa ditë pasi ushtria izraelite filloi operacionet tokësore, Refaat Alarir njoftoi se nuk do të largohej nga pjesa veriore e Rripit të Gazës, qendra e armiqësive në atë kohë.
Më 1 nëntor ai botoi në X një poezi të shkruar në anglisht, e cila pati një shpërndarje të gjerë.
