Kryebashkiaku i Tiranës Erion Veliaj ka akuzuar Partinë Demokratike se ka nxjerrë një lajm për kryeministrin Rama jashtë konteksti dhe e ka dërguar te një këngëtare e famshme botërore me origjinë shqiptare.
Sipas tij, ishte marrë linku, ishte spamuar e gjithë databaza e telefonave dhe ishte dërguar te kjo këngëtare, ndërsa shtoi se PD e ka bërë këtë veprim që në vitin 2011.
“Kryeministri kishte bërë një skeç me dy binjakët në Vlorë. PD nxjerr një lajm jashtë konteksti që Edi Ramën e ndalon policia.
Ishte marrë linku, ishte spamuar e gjithë databaza e telefonave dhe një këngëtare shumë e famshme botërore me origjinë shqiptare më shkruan sot, “po numrin tim nga e morën?”
I kishte çuar linkun e Edi Ramës që e ndalojnë policët dhe “kërcënon policët që po ika unë ku do shkoni”, që në fakt ishte nxjerrë jashtë konteksti, se ishte një skeç.
Pra, PD pa lejen e askujt i spamon qytetarët dhe u çon pafund mesazhe që s’kanë pikë lidhje dhe si ka kërkuar askush. E ka bërë këtë që në zgjedhjet e 2011.