Kryetari i Bashkisë së Tiranës, Erion Veliaj, deklaroi se institucioni që ai përfaqëson ka qenë transparent me projektin e ndërtimit të Teatrit Kombëtar të ri.
“Ne kemi qenë transparent me projektin. Kemi thënë që plani i parë është ta ndërtojmë me lekët e privatit, që nuk ramë dakord pasi privati nuk ofronte aq sa kërkonin aktorët.
Plani i dytë është ta ndërtojmë me lekët e tona, por që nuk i kemi dhe kalojmë tek plani i tretë që marrim kredi dhe ndërtojmë teatrin.
Duhej të kalonte në pronësi të Bashkisë së Tiranës sepse ndërtimi do të bëhet nga e para dhe është Bashkia e Tiranës që do të marrë kredinë’- tha Veliaj në emisionin “Open”.