Çmimi i një licence për të zotëruar një makinë të madhe familjare në Singapor kapi një rekord prej 101,000 euro.
Qyteti-shtet prezantoi një sistem 10-vjeçar të Certifikatës së Okupimit (COE) në 1990 si një masë kundër bllokimit të trafikut. Singaporianëve që atëherë u është kërkuar të kenë një COE nëse dëshirojnë të blejnë një automjet. Lejet shiten çdo dy javë në ankande dhe qeveria kontrollon numrin e certifikatave për shitje.
Singapori është, pas taksave dhe detyrimeve të importit, vendi më i shtrenjtë në botë për të blerë një makinë. Për shembull, një Toyota Camry Hybrid i ri në Singapor kushton rreth 250,000 dollarë SPA, që përfshin koston e COE dhe taksat. Është rreth gjashtë herë më e shtrenjtë se në SHBA, shkruan BBC.
Kërkesa në rritje pas pandemisë
Ekzistojnë lloje të ndryshme të COE-ve për makina më të vogla, motoçikleta dhe automjete komerciale. Çmimet e lejeve kanë arritur nivele rekord për disa muaj me radhë pasi rimëkëmbja pas pandemisë rriti kërkesën.
COE më e ulët për një makinë kushton 104,000 dollarë amerikanë (rreth 72,000 euro), që është pothuajse tre herë më e lartë se në vitin 2020 kur kishte më pak kërkesa për makina të reja gjatë pandemisë. Pavarësisht se është relativisht i vogël, Singapori renditet rregullisht ndër vendet me numrin më të madh të milionerëve në botë. Megjithatë, popullsia vendase nuk mund të përballojë lehtësisht një leje.
Autoritetet e prezantuan këtë sistem për të inkurajuar qytetarët të përdorin transportin publik, i cili renditet si një nga më të mirët në botë. Qyteti-shtet, me rreth 5.5 milionë banorë, kishte pak më pak se një milion makina pasagjerësh në rrugë vitin e kaluar. Numri i COE-ve të reja në dispozicion varet nga sa makina “të vjetra” zhduken nga rruga.
