Ministri italian i Arsimit, Giuseppe Valditara, tha të hënën se duke filluar nga viti i ardhshëm shkollor, përdorimi i telefonave celularë do të ndalohet në të gjitha shkollat e mesme në vend.
Ndalimi tashmë vlen për nxënësit e shkollave të mesme dhe fillore.
Siç shpjegon Ministria italiane e Arsimit në një qarkore, vendimi përkatës merret me qëllim mbrojtjen e shëndetit të nxënësve, duke marrë parasysh se, bazuar në të dhënat shkencore, përdorimi i telefonave celularë ka – gjithnjë e më shumë – efekte negative në performancën e adoleshentëve dhe krijon probleme në aftësinë e tyre për t’u përqendruar, në marrëdhëniet e tyre ndërpersonale dhe në ndërprerjet e shpeshta të gjumit.
Nxënësit me aftësi të kufizuara dhe ata të regjistruar në shkollat e mesme me fokus teknologjik do të përjashtohen nga masa.
Gjithashtu pritet që përdorimi i të ashtuquajturës “tabelë elektronike”, tabletave dhe kompjuterëve do të vazhdojë të lejohet “me qëllim mbështetjen e metodave të reja të mësimdhënies”. /tesheshi.com/
