Vendimi: Artefaktet e arit të Krimesë duhet t’i kthehen shtetit ukrainas

Screenshot-2021-10-26-152925.webp.webp

Ndajeni këtë artikull me të tjerë duke klikuar ikonat më poshtë

Një gjykatë holandeze e apelit vendosi të martën se një koleksion i artefakteve të lashta të arta nga Krimea, të pretenduara nga Ukraina dhe muzetë në gadishullin e aneksuar nga Rusia, duhet t’i kthehen shtetit ukrainas.

Artikujt, duke përfshirë një përkrenare të fortë ari dhe një stoli të qafës prej ari, secila me peshë më shumë se një kilogram, u ekspozuan në Holandë kur Rusia aneksoi gadishullin e Krimesë nga Ukraina në vitin 2014.

Gjykatësja Pauline Hofmeijer-Rutten tha se interesat kulturore kombëtare të Ukrainës i tejkalojnë interesat e muzeve në Krime, shkruan Reuters.

“Muzeu Allard Pierson nuk është më i detyruar të kthejë objekte në muzetë e Krimesë,” tha ajo në një shpjegim të vendimit. “Të drejtat e shtetit ukrainas, të krijuara sipas Ligjit për Muzetë… kanë përparësi.”

Vendimi mund të apelohet në Gjykatën Supreme të Holandës.

Zelensky: Pas “arit skith” do ta kthejmë Krimenë

Aneksimi i Krimesë nga Rusia ka sjellë me vete sanksione perëndimore. Vendet perëndimore dhe shumica e pjesës tjetër të botës e njohin Gadishullin e Detit të Zi si territor ukrainas dhe Kievi dëshiron që ai territor t’i kthehet atij.

Presidenti ukrainas Volodymyr Zelensky e përshëndeti vendimin. “Ne gjithmonë kthejmë atë që është e jona. “Pas ‘arit skith’, ne do ta (kthejmë) Krimenë”, shkroi Zelensky në Tëitter.

Zëdhënësi i Kremlinit Dmitry Peskov tha se nuk mund të komentonte. Sergei Aksyonov, një politikan kryesor i kontrolluar nga Rusia në gadishullin e Krimesë, tha se vendimi ishte “i padrejtë dhe i paligjshëm”, njoftoi agjencia e lajmeve Interfax.

Ndajeni këtë artikull me të tjerë duke klikuar ikonat më poshtë