“Asnjë kokërr leku nuk do të marri, asnjë kokërr leku, asnjë kokërr leku nuk do të marri”, do të deklaronte Arben Ahmetaj për biznesmenin Francesco Becchetti i cili me vendim gjykate ka fituar të drejtën që shteti shqiptar ti paguajë faturën prej 110-milionë euro ndërsa çështja ndodhet në arbitrazh.
Gjyqet e arbitrazhit në përgjithësi zhvillohen në sekret të plotë dhe taksapaguesit rrallë herë marrin vesh se çfarë ka ndodhur. Të dhëna të përcipta mbi çështjen publikohen në faqen e gjykatës ndërkohë që vetëm pak ditë më parë sipas këtyre të dhënave, vendimi i kompensimit për Becchettin është pranë ekzekutimit.
Gjyqi mes biznesmenit italian lidhet me vendimin e qeverisë Rama për të konfiskuar asetet e tij në Shqipëri, përfshirë hidrocentralin në ndërtim të Kalivaçit dhe televizionin Agon Channel në kuadër të një hetimi për pastrim parash.
Ndërkohë një video e deklaratës së Ahmetajt se nuk do t’i japë asnjë kokërr leku biznesmenit po bën xhiron e rrjetit ku shpërndahet me mbishkrime të ndryshme, teksa gjasat janë të qeveria të mos ketë asnjë shans për të shmangur faturën marramendëse që detyrimisht do të rëndojë mbi xhepat e shqiptarëve.
Video më poshtë marrë nga Facebook-u i aktivistit Martin Gjonaj:
https://www.facebook.com/gjonajmartin/videos/10220657878374243/?t=6
/faxweb